Состојки:
- 4 парчиња пилешки гради
- 1 китка магдонос
- 150 грама крем сир
- 4 парчиња шунка
- 1 лажица брашно
- 1 јајце
- 6 лажици лебни трошки
- 3 лажици масло за јадење
- Сол и бибер
Подготовка:
Исечкајте го магдоносот и измешајте го со крем сирот, посолете и ставете бибер.
Со остар нож исечете ги пилешките гради на половина ( но не ги сечете до крај) и истолчете ги со толчник. На секое парче месо ставете по еден круг шунка и предходно подготвениот крем сир со магдонос, преклопете го месото и прицврстете ги краевите со чепкалки за заби.
Месото извалкајте го брашно и во разматеното јајце и на крајот во презла. Пржете на веќе загреана тава на среден оган 5 минути секоја страна.
Добар аптит!