Состојки:
- 150 г маргарин
- 1/2 лажичка прашок за печиво
- 250 г брашно
- 700 г праз
- 2 лажици путер
- 4 лажици бело вино
- сол
- бибер
- 100 мл слатка павлака
- 100 г кисела павлака
- 3 јајца
- 1 лажичка ситно сечкан босилек
- 3 лажици бадеми
- 80 г рендан кашкавал
Подготовка:
Замесете ги маргаринот, брашното и прашокот за печиво со 3 лажици ладна вода. Формирајте топка, завиткајте ја во фолија и оставете ја да отстои 30-тина минути во фрижидер. Исечкајте го празот и пропржете го во загреаниот путер. Прелијте го со виното, па зачинете го со сол и бибер. Расучете го тестото во кора и со него обложете 6 кошнички со пречник од 10 сантиметри. Распоредете го празот врз тестото. Загрејте ја рерната на 200 степени. Измешајте ги јајцата, слатката и киселата павлака, па смесата прелијте ја врз празот. Сето тоа посипете го со босилекот, ситно сечканите бадеми и со ренданиот кашкавал. Печете ги тортичките околу 25 минути.
Добар апетит!
