Состојки:
- 600 г брашно
- 1 лажичка сол
- 100 мл млако млеко
- 200 мл млака вода
- една кесичка квасец во прав или 15 грама свеж квасец
- половина лажичка шеќер
- поголема топка моцарела
- 200 г рендано сирење (гауда, ементалер или нешто слично)
- суџук сечен на кругчиња
Подготовка:
Во еден сад измешајте ги млекото, водата, шеќерот и квасецот. Оставете ја така течноста околу 10 минути додека квасецот да почне да дејствува (да направи пена на површината од течноста).
Во миксер за месење ставете ги брашното и солта. Додајте ја течноста со квасецот, измешајте додека не добиете топка тесто. Оставете ја топката да нарасне (околу 40 минути). Таа треба да се зголеми двојно. Исечете ја на еднакви 8 до 10 дела. Тогаш загрејте ја рерната на 220 Целзиусови степени.
Размесете ги парчињата тесто во овални форми и ставете ги на претходно намастен плех, а врз нив додајте ги ренданото сирење и суџукот и потоа подвиткајте ги краевите.
Со матено јајце можете да ги намачкате краевите за да добијат убава боја.
Се пече на 220 степени околу 20 минути.
Пријатен апетит!