Состојки:
Тесто:
- 3 јајца
- 250 гр шеќер
- 1 дл млеко
- 3 лажици масло
- 300 грама брашно
- ½ прашок за печиво
- 1 кесичка ванилин шеќер
Фил:
- 200 гр шеќер
- 2 дл вода
- 6 лажички џем од кајсија
- 1 замрзнат портокал
Глазура:
- 3 лажички џем од кајсија
- 100 гр чоколада
- 3 лажици млеко
Подготовка:
Тесто – изматете ги јајцата со шеќерот. Матете додека шеќерот не се стопи. Потоа додадете масло и млеко а потоа брашно, прашок за печиво и ванилин шеќер. Печете во плех со димензии 25×30 см. Печете 35 минути на температура од 150 степени.
Фил – зовријте вода, шеќер и 3 лажици џем, неколку минутки. Потоа додадете го изренданиот портокал. Оставете да се олади.
Изладеното тесто исечете го попреку на половина. Горната половина изронете ја и соединете ја со филот.
Долната половина од тестото премачкајте ја со три лажици џем. Одозгора премачкајте го филот и убаво израмнете ја а потоа премачкајте со уште три лажици џем.
Прелијте со глазурата.
Добар апетит!
