Јагодите се едно од најпопуларните, а за многумина и омилено црвено овошје.
За бројните благодети на ова вкусно овошје веќе знаеме, а ако сте љубител на мармаладот, ви предлагаме да го пробате овој експресно брз рецепт.
Потребни состојки: 500 грама исчистени јагоди, 1 ½ шоља шеќер, сок од еден лимон, 1 стерилизирана тегла
Подготовка:
Најпрво јагодите исчистете ги од дршките и добро измијте ги. Исецкајте ги јагодите и ставете ги во поголем огноотпорен сад, па додајте го шеќерот и лимоновиот сок.
Добро измешајте го овошјето, ставете го садот во микробранова печка и на најсилна температура печете четири минути.
После тоа извадете го садот, промешајте ја смесата, а потоа печете уште 15 минути.
За тоа време земете чинија и оставете ја да постои во замрзнувач. Кога ќе забележите дека џемот почнува да врие, исклучете ја микробрановата печка, промешајте го и оставете го да се „смири“ и повторно вратете го и оставете да се готви.
После 15 минути, џемот ќе биде сеуште прилично редок, а ќе проверите дали е готов така што ќе ја извадите чинијата од замрзнувачот и ќе ставете една лажица џем во неа, а потоа ќе ја вратите во замрзнувачот на две до три минути.
Ако џемот е доволно густ, тоа значи дека е готов. Ако ви се чини дека е уште редок, вратете го во микробрановата печка и гответе уште некоја минута, а потоа повторете го тестот.
Ставете го џемот во стерилизирана тегла и уживајте во вкусот.
Повеќе рецепти на hitkujna.com.mk
