Состојки:
- 1 кг свинско каре
- 1 лажица зачин
- 2 чешниња лук
- 1 главица кромид
- 1 морков
- ловоров лист, мајчина душица, рузмарин
- 1 чаша бело вино
- 2 лажици масло
- 50гр маргарин
- сол, бибер
Подготовка:
Ситно се сечкаат кромидот и морковот и се пропржуваат во поголема тава со масло. Месото се премачкува со зачин од сите страни, се додава во жешкото масло заедно со лукот и ароматичните билки и се пропржува внимателно од сите страни додека не фати коричка. Се додава виното, сол и бибер по желба и се остава виното да испари.
Месото се префрлува во плех за печење, одозгора му се редат неколку парчиња маргарин по целата површина. Се пече во рерна на 200⁰С околу 40 минути, а по потреба може да се покрие со алуминиумска фолија за да се испече рамномерно.
Кога ќе се испече, се сече на парчиња и се сервира.
Добар апетит!
