Макароните се омилено јадење за многумина.
Пoстојат многу начини за нивна подготовка, но ние за денеска ви ги предлагаме оние со мелено месо и шампињони.
Едноставно и релативно брзо се подготвуваат и се неодоливо вкусни.
Состојки:
- 1 кеса макарони
- 500 грама мелено месо
- 400 грама шампињони
- 1 главица лук
- Сол, бибер, малку масло
- 1 тегла (900 грама) доматен сос
- 200 грама рендано сирење
Подготовка:
Загрејте ја рерната на 200 степени.
Тестенините сварете ги во солена вода, исцедете ги и премијте со ладна вода за да не се залепат.
Додека се варат макароните, подгответе го сосот. Шампињоните исецкајте ги тенки и додајте го месото. Динстајте на тивок оган се додека печурките не омекнат. Кога е се готово, додадете го доматниот сос. Зачинете.
Пропржете па додајте ги макароните.
Сето ова фино измешајте го и ставете во тава за печење која ќе ја премачкате со путер. Посипете со рендано сирење и ставете ја тавата во печка.
Печете се додека сирењето не се стопи и почне да добива боја.
Добар апетит!
