Состојки:
• 500 гр брашно
• 1 кесичка сув квасец
• 1 лажичка сол
• 1 кесичка прашок за пециво
• 200 мл јогурт
• 200 мл топла вода
• 250 гр рендан кашкавал
• 200 гр рендана шунка
• 200 гр печурки (свежи или маринирани, од тегла)
• кечап
• масло за пржење
Подготовка:
Во длабок сад ставете го брашното и додадете му ги сите други суви состојки (сол, пециво, квасец). Ставете го целиот јогурт и полека додавајте вода, мешајќи со миксер додека да добиете тврдо тесто и тоа да може да се обликува во топка. Тестото покријте го со влажна крпа и оставете го 15 минути да отстои.
Од тестото одвојувајте мали топчиња и со сукало сукајте ги во тркалезен облик. На едната половина од тестото ставете кечап, кашкавал, печурки и шунка и преклопете го филот со другата половина од тестото.
Со вилушка притиснете ги краевите за да не истече филот (а и воедно да им направите мала декорација на панцеротите). Пржете ги во многу врело масло додека да добијат убава златно-кафена боја.
Ако ви останат, слободно можете да ги замрзнете.
Добар апетит!
