Состојки:
- 250 мл јогурт
- 250 мл павлака
- 250 мл млеко
- 250 мл вода
- ½ квасец
- 3 јајца
- 125 мл масло за јадење
- 1 лажичка сол
- 2 лажички шеќер
- 800 гр. ЕКСТРА БЕЛО брашно тип 400 од Жито Лукс
- 250 гр. маргарин
- 2 пакувања големи виршли или едно големо пакување мали виршли
Подготовка:
Во сад измешајте ги водата, млекото, солта, шеќерот, квасецот и 4 лажици од брашното. Смесата треба да биде малку погуста од онаа за палачинки. Кога смесата ќе нарасне, додадете го јогуртот, павлаката, 2 јајца, маслото за јадење и останатото брашно и замесете тесто.
Ставете ги виршлите да се сварат, а откако ќе се сварат отстранете ја лушпата. Доколку виршлите се големи исечете ги на три дела.
Од тестото сукајте голема тенка кора која ќе ја премачкате со маргарин и ќе ја исечете на долги тенки ленти. Ставете по една сварена виршла на крајот на лентата и виткајте во ролат. Секоја кифличка премачкајте ја со разматено јајце.
Печете во загреана рерна на температура од 180 степени околу 20 минути.
