Ако во ладилникот немате ниту јајца, ниту млеко, ниту путер, а сакате да направите брз и сочен колач, тогаш пробајте го овој едноставен рецепт. За неговата подготовка нема да извалкате многу садови, а не ви треба ниту миксер.
Состојки:
- 1/2 шолја брашно
- 3 лажици какао
- 1 шолја шеќер
- 1 лажица сода бикарбона
- 1/2 лажичка сол
- 1 лажичка алкохолен оцет
- 5 лажици масло
- 1 шолја вода
Подготовка:
Рерната вклучете ја на 180 степени. Во правоаголен сад за печење најпрво измешајте ги сувите состојки. Во смесата направете 2 вдлабнатини. Во едната ставете го оцетот, во другата маслото. Сето тоа полијте го со водата и мешајте со лажица додека не добиете хомогена смеса. Решетката во рерната поставете ја на средина и печете околу 35 минути. Колачот можете да го украсите со чоколадна глазура. Оваа смеса можете да ја користите и за мафини.
