Состојки:
тесто:
- 4 поголеми јајца
- 300 гр шеќер
- 350-400гр брашно
- 1 прашок за пециво
- 200-250 гр маргарин
- 300 гр ситно рендан морков
- 250 гр бело суво грозје (сечкано)
- 1-2 лажички цимет,
- ¼ лажичка сол
фил:
- 200 гр крем сирење (крем-сирење што е погусто)
- 250 гр шеќер во прав
- 100 гр маргарин
- 1 ќесичка ванилин шеќер
шлаг:
- 2 кесички шлаг пена
- 250 мл млеко
Подготовка:
Се загрева рерната на 180⁰С . Се става маргаринот да се растопи, но се внимава да не се вжешти. Со миксер се матат јајцата и шеќерот, да стане пенеста смеса и постепено се додава брашното, прашокот за печиво, малку сол, а потоа и стопениот маргарин .
Се става и циметот и се меша со миксер да се изедначи. Полека со дрвена лажица се додаваат сувото грозје и морковот, за се убаво да се измеша. Смесата е доста густа. Се става во правоаголен плех, претходно покриен со хартија за готвење и се пече на 180⁰С околу 45 минути, да добие златно-жолта боја. Се остава да се излади најмалку еден час, па потоа се филува.
Фил – состојките за филот треба претходно да бидат на собна температура. Се матат со миксер сите одеднаш и потоа се става како тенка кора над изладениот колач.
2 кесички шлаг пена се матат со 250 мл добро изладено млеко, според упатството. Може да се додаде 1-2 лажици шеќер или ванилин шеќер. Густо изматено, се става над филот (може да се нанесе со шприц и да биде декоративно).
Се остава добро да се излади и се сече на парчиња.
Добар апетит!