Состојки:
- 1 кг праски (или друго овошје по желба)
- 2 јајца
- 1 чаша (2дл) шеќер
- 1 чаша јогурт или павлака
- 2 чаши брашно
- ½ кесичка прашок за печиво
- 1 дл масло
- малку сол
- шеќер во прав – за посипување
Подготовка:
Со мешаат јајцата и шеќерот, се додава павлаката (или јогурт) и масло и малку се посолува. На крај се додава брашното, измешано со прашокот за пециво и се меша додека не се добие густа и мазна смеса.
Плехот за печење се премачкува со масло и се посипува со брашно.
Тестото се става во плехот, се пече во рерна претходно загреана на 180°С околу 5 мин. Се вади плехот од рерна и врз полупеченото тесто се реди сечканото овошје. Потоа плехот се враќа во рерната и се продолжува со печење уште 30 мин. Готовиот колач се остава во плехот да се излади и се посипува со шеќер во прав.
Добар апетит!