Состојки:
- 3 јајца
- 3 лажички шеќер
- 3 лажици гриз
- 150 гр мелени ореви
Фил:
- 3 рендани јаболки со просечна големина
Глазура:
- 100 гр црна чоколада за готвење
- 2 лажици млеко
- 30 гр маргарин
Подготовка:
Со миксер матете ги јајцата и шеќерот се додека не се создаде пена. Потоа додадете го гризот, па изматете уште малку. На крај ставете ги оревите и измешајте со лажица.
Во намрсен сад за печење со димензија 25×40 см посипете брашно па истурете ја половината од смесата.
Во загреана рерна на 200 степени ставете го садот за печење на 3-4 минути, само да започне да се пече тестото. По 3-4 мин извадете го од рерната и посипете ги ренданите јаболки.
Веднаш преку јаболките истурете ја и останатата половина од смесата за тестото и распоредете ја преку јаболките.
Вратете го садот во рерната и продолжете да печете уште 20-25 минути.
Кога ќе се испече тестото извадете го од рерната, исечете го на коцки. Додека колачот се лади, подгответе ја глазурата од чоколадо.
На умерена температура стопете го маргаринот со малку млеко и 100 гр црна чоколада за готвење, па прелијте ги коцките со топлата глазура.
Добар апетит!
