Направете пауза за десерт.
Денешниот рецепт ќе ви одземе само една минута од вашето време.
Колачот се подготвува без брашно, многу е сочен и е со одличен вкус.
Може да се комбинира со најразлични додатоци и е идеална посластица доколку ве изненадат гости.
Состојки:
- 1 јајце
- 2 лажици шеќер
- ¼ прашок за пециво
- 2 лажици какао
- 1 лажица слатка павлака или течна павлака за готвење
- 1 лажица масло
- ½ лажица екстракт од ванила (не е задолжително)
Подготовка
Одберете две шољи со вертикални ѕидови за да го подготвите колачот. Дното и ѕидовите добро премачкајте го со масло за да не се залепи колачот. Подгответе и тацни кои ќе одговараат за шољите.
Во мал сад ставете шеќер и какао. Додадете една лажица слатка павлака или течна павлака за готвење, јајце, лажица масло, ванила или нешто друго по ваш вкус (рум, виски, коњак) и на краj прашок за пециво.
Сето ова набрзина изматете го.
Поделете ја смесата во двете шољи . Нежно удрете го дното на шољите од кујнската плотна, за да излезат меурите со воздух.
Печете во микробранова, секоја шоља одделно.
Печењето во микробранова треба да е 20 секунди до половина минута, на HIGH.
Сервирајте со банани, киви, јагоди, шлаг, чоколадни трошки… Со се што ќе ви падне на памет и за што сметате дека би било вкусна комбинација.
Добар апетит!
