Home ГОТВАЧ Диета за забрзување на метаболизмот

Диета за забрзување на метаболизмот

5868
SHARE

Некои вообичаени навики во исхраната можат да ја нарушат динамиката на метаболизмот – „машината“ за внатрешно согорување на калории во текот на 24 часа.

На пример, редовно појадувате, но после еден час повторно сте гладни, или, пиете само „лајт“ напитоци, но повторно се дебелеете, но се чини дека најголема грешка е кога ја намалувате количината на храната за да ослабете.

Постои објаснување како оваа погрешна навика го успорува метаболизмот, но и решение како да ја поправите.
Појадок
Наутро, нивото на инсулин е висок, а ако изедете оброк со висок процент на јагленихидрати (мусли и овошје) тој уште повеќе ќе порасне. Потоа, ова ниво нагло паѓа, па неизбежно се појавува чувството на глад и стануваме склони кон прејадување.

Јајце

Решение: Комбинирајте ги јагленитехидрати со протеини за да го намалите растењето на нивото на шеќер во крвта. Земајте 30 грама протеини (120 грама посно сирење или две јајца со чаша јогурт) и од 20 до 30 грама јагленихидрати (банана со средна големина, парче тост или чинија инстант овесна каша).

Понеделник

Појадок: двопек, кисело млеко и две јајца подготвени по желба
Ужина: 200 грама сезонско овошје
Ручек: Чинија салата со две лажици маслиново масло, 200 грама грилувано пилешко бело месо и половина шоља варен зеленчук
Ужина: 10 грама сезонски зеленчук и еден децилитар јогурт
Вечера: 80 грама суво мерени тестенини со 200 грама варени брокули и две лажици маслиново масло.

Вторник

Појадок: тост намачкан со супена лажица немасен намаз од сирење, 2 децилитри јогурт и 30 грама шунка
Ужина: 250 грама сезонско овошје
Ручек: чинија бистра супа, 250 грама поширана или грилована морска риба, 250 грама зелена салата со две лажици маслиново масло
Ужина: 150 грама овошје
Вечера: 300 грама зеленчук како салата и 200 грама немасно сирење со две кафени лажици маслиново масло

Помалку храна во чинијата

Вистина е дека со намалување на бројот на калории се губат килограми. Меѓутоа, додека бројот на килограми се намалуваат, метаболизмот исто така се успорува, затоа што само мал дел од изгубената маса е масно ткиво, а многу поголем дел мускулна маса која согорува калории. Ако имате успорен метаболизам, а сакате да ја одржите телесната тежина или да изгубите вишок на килограми, оваа диета ќе ви помогне.

Тестенини со морски плодови

Среда

Појадок: 2 децилитри природен цеден сок од портокал, две виршли и 150 грама сирење
Ужина: домашен овошен јогурт од 120 грама овошје и 1,5 децилитри јогурт
Ручек: омлет од две јајца со 200 грама зеленчук како салата, чаша сок од домат
Ужина: 200 грама сезонско овошје
Вечера: 250 грама грилуван модар патлиџан, таратор салата со кисело млеко

Диетални напитоци

Вештачките шеќери, кои обично се во состав на овие производи, предизвикуваат исти метаболички и хормонски реакции како и вистинскиот шеќер. Како одговор на тоа – организмот ослободува инсулин, поради кој се таложи масно ткиво.

Решение: Немојте да јадете намирници со намален број на калории и вештачки зсладувачи, туку јадете ги вообичаените.

Диетални напитоци

Четврток

Појадок: двопек, 2 децилитри јогурт и 50 грама мисиркини гради
Ужина: 200 грама сезонско овошје
Ручек: чинија бистра супа, 150 грама мелено јунешко динстано со тиквичка од средна големина и 200 грама домати со две лажици маслиново масло.
Ужина: 150 грама сезонско овошје
Вечера: Два варини компири со средна големина и 150 грама немасно сирење, краставица.

Недоволно протеини

Многу жени не земаат доволно протеини, што е важно за правилно одржување на мускулатурата. Инаку, колку мускулната маса е поголема, толку поефикасно е согорувањето на калориите и тоа без оглед на тоа дали држите диета или вежбате.

Решение: Јадете 30 грама протеини за појадок (околу 120 грама пилешко), исто толку за ручек и вечера, а 10 до 15 грама за ужина (со овошјето напијте се и јогурт).

Бело месо

Петок

Појадок: Поширано јајце, 50 грама шунка и домат
Ужина: 200 грама сезонско овошје
Ручек: 250 грама зелена салата, туна во саламура, 2 кафени лажици маслиново масло
Ужина: 150 грама овошје
Вечера: 150 грама грилувано пилешко и половина шоља варена блитва со 2 лажици маслиново масло

Сабота

Појадок: кисело млеко и виршла
Ужина: 200 грама сезонско овошје
Ручек: 250 грама грилувана морска риба и 250 грама зеленчук како салата со две лажици маслиново масло
Ужина: 150 грама сезонско овошје
Вечера: сварено јајце и 2/3 шоља варен спанаќ со две лажици маслиново масло.

Недела

Појадок: Кисело млеко со 50 грама мисиркини гради
Ужина: 200 грама сезонско овошје
Ручек: 250 грама салата со две лажици маслиново масло и 10 грама динстано јунешко месо
Ужина: 150 грама сезонско овошје
Вечера: Виршла и домат