Состојки:
• 300 г шпагети
• ½ кг до 1 кг морски ракови
• 2 дл бело вино
• 1 мало пакување доматно пире или конзервирани домати, сечкани
• маслиново масло по можност
• сол, црн бибер
• 3 главички ситно сечкан лук
• многу магдонос, ситно сечкан
Морски ракчиња
лат. Caridea
Како и остатокот од морската храна, морските ракчиња изобилуваат со калциум, јод и протеини, но не даваат доволно енергија. Храната во која има морски ракчиња е храна која има холестерол, но консумирањето на морски ракчиња се смета за здраво за системот на циркулација, бидејќи холестеролот кој го имаат нема заситени масти. Интересно за нив е дека во еврејската кујна се забранети за консумација.
Подготовка:
Шпагетите згответе ги во доста солена вода. Во вок тава (или длабока тава за готвење) на масло ставете го ситно сечканиот лук и магдонос, а по неколку минути додајте ги доматите. Динстајте неколку минути, па додајте ги морските ракчиња, полијте со белото вино, ставете сол и црн бибер и оставете го да динста десетина минути на ниска температура. Потоа, во тавата ставете ги и сварените шпагети и убаво измешајте. Посипете со уште магдонос и сервирајте.
Неколку кратки совети:
• Користете исчистени морски ракчиња, за да не губите време во нивна подготовка
• Количината морска храна која ќе ја употребите, прилагодете ја на вашиот вкус и парични средства
• Може да користите други морски плодови — сите одат перфектно со лук
• Користете свеж магдонос за морски и италијански вкус
• Не дозволувајте доматите да се преварат, бидејќи морската храна бара свежина во состојките кои ја придружуваат
• Трудете се сè повеќе да користите маслиново масло, за да го заштитите организмот од холестерол и штетни маснотии, бидејќи во 100 г морски ракчиња се содржи 150 мг холестерол.
Извор: Гурман